DOPO EL BEN VIEN EL MAL.
SONETTO
Socrate in tempo, ch'i ghe desligava
Le caene dei so pìe, con gran diletto
In dove, ch'i lo aveva troppo stretto,
4Con tutte le do man el se grattava.
Sto discorso in quell'atto lù ghe fava
Ai so amici, che giera intorno al letto,
Che pianzeva a veder quel gran soggetto,
8Che senza colpa a morte se n'andava;
Che no podendo i Dei insieme unir
El ben al mal, i hà fatto, che 'l confina
11Tanto, che dopo 'l ben s'hà da patir.
Questa è la nostra condizion meschina,
Che dopo del sborar convien soffrir
14Una contristazion, che ne rovina.
