RISPOSTA DELL'AUTOR.
SONETTO
Oh! Estu ti quel bravo visdecazzo
Antonio Franza, Parolin chiamà,
Ch'un sbirro, e 'na puttana per solazzo
4A Lendenara un dì t'hà zenerà.
Te cognosso, ti e ti, ch'è stà scazzà
In tre dì da Berlin, come un furbazzo,
Ch'a Praga per ruffian è stà frustà,
8E un pasto i te n'hà dà buzaronazzo.
Da Branswich pò i t'hà esilià per truffa,
Ch'in questo ti xe bravo, come un Marte,
11Ma pò a Parigi i t'hà cavà la muffa.
Ti musico! Cogion, el buzararte,
No te tiorave gnanca a far da sbruffa,
14Castron, beccofottù, barro da carte.
