SIMILE.
SONETTO
Quando, che quella tisica indiscreta
Anderà a far al Baffo el complimento,
Pregandolo, che 'l voggia esser contento,
4Ch'al Diavolo la 'l manda per staffeta.
Sti pochi versi, che dal cuor me deta
L'amicizia, e l'amor, che per lù sento,
Incider ghe farò sul monumento
8Per onorar l'altissimo poeta.
Quà stà sepolto, o passagger cortese,
Uno, ch'hà renegà nostro Signor
11Per el bus della merda, e del marchese.
Cari ragazzi, e Donne de bon cuor
Vegnì a sborar del sasso per le sfese;
14Chi sà, che nol ressuscita all'odor?
