RISPOSTA DELL'AUTOR.
SONETTO
Erostrato per farse nominar
De Diana 'l tempio in Efeso hà brusà,
E cussì co sta azion lù gà stimà,
4Che 'l so nome 'l se gabbia a immortalar;
Cussì per farse al Mondo celebrar
Un poetastro el Baffo hà profanà,
E co sta bella forma 'l s'hà sognà
8La so fama se gabbi a immortalar.
Cussì Erostrato, dopo aver fatto
Quella cogionarìa co sta rason,
11S'hà immortalà, ma immortalà da matto.
Cussì el poetastro, dopo quell'azion
De scriver quel Sonetto cussì fatto,
14Sarà immortal, ma un immortal cogion.
