PER LA MEDESIMA.
SONETTO
Giera là in quiete, e più no ghe pensava
De far l'amor, o far altro bordelo,
M'avevo messo in buccole l'Oselo,
4E gnanca de più averlo no contava;
De lassar tutte zà me preparava
Le cose della Terra per el Cielo,
E per dar al mio corpo sto flagelo
8Voleva andar d'un Frate della Fava;
Quando ho visto Cornelia, in quei momenti
Se m'hà rebaltà subito la testa,
11E hò rotto tutti i me proponimenti;
Le buccole hò desfatto zò alla presta,
E per tornar ai me divertimenti
14El Cazzo m'hò vestì tutto da festa.
