PER LA MEDESIMA.
SONETTO
Dove missier Cupido avè trovà
Quel viso benedìo da tutti i Santi?
Almanco me l'avessi trovà avanti,
4Che l'averìa servìo come, che và;
Ma adesso, che son tutto retirà,
Ch'hò risseccà i negozj tutti quanti,
A cussì bella Venere davanti
8No posso se nò starghe inzenocchià.
In tempo, che gaveva altr'in la testa,
Che stava da mia posta in t'un canton,
11M'avè dà a tradimento drìo la schena;
No podevi trovar altra, che questa?
Son quà, zà mi me rendo a discrezion.
14Cosa voleu da mi? Che ghe la mena?
