Amigo, del mio mal xe causa l'ira,
E la colera, ch'hò contro 'l me Osello,
Se qualcuna lo sfida a far duello
4Sta bestia buzarada se retira;
Se una volta qualcuna aveva in mira
Presto 'l saltava sù gagiardo, e bello,
Adesso no par gnanca, che 'l sia quello,
8E no sò la rason, perchè nol tira.
El scherzo deventà son d'ogni Dona,
Savè, se digo 'l vero, o se v'adulo,
11Tutti, chi sà sta cosa, me cogiona;
E talvolta per prenderse trastulo,
Cogionando me dise la parona,
14Che l'è bon da pettarmelo sul Culo.
