CRITICA SORA 'L CASO DE GIUSEPPE EBREO.
SONETTO
Quando lezo quel passo de Scrittura,
Che conta el caso de Giuseppe Ebreo,
Che no gà volesto gnanca con un deo
4Toccarghe a quella Donna la Natura;
Che nol gavesse Cazzo gò paura,
Perchè no se puol dar, che quel Giudeo
Fusse cussì cogion, cussì marmeo
8De no chiavarla subito a drettura.
Ma la Scrittura, che me compatissa,
Se mi no credo, come che se daga
11Zente, ch'in ste gran buzare se fissa.
A una Donna, che prega, e no se paga,
Nò solamente dove, che la pissa,
14Ma mi ghel metto insin dove la caga.
