La so mente 'l la stende, e 'l la dilata,
Nol la tien ferma a certe bagattelle,
135Nè 'l fà per una Mona 'na chiamata,
Se querellà vien qualche bona pelle,
Quando, che no le sia cose essenziali,
138El ghe sbrega sù i occhj le querelle;
Lù no fà novità, che porta i mali,
Perchè 'l sa ben, ch'in te le società
141Le novità le xe pregiudiziali,
El lassa 'l Mondo, come el l'hà trovà,
E se 'l fà gnente, el fà 'na cosa bona,
144Che no reduse l'omo desperà.
Questi, che no puol veder, che la Dona
La vaga in le botteghe, nè per strada,
147Convien dir, ch'i sia astemj della Mona,
