L'ORO, E 'L CAZZO FÀ TIRAR LA MONA.
SONETTO
I se lagna, perchè ste nostre Done
Le cerca bona borsa, e meggio Cazzo;
Mo no xelo un parlar da visdecazzo,
4Se l'oro, e 'l Cazzo fà tirar le Mone?
I le vorrìa cortesi, belle, e bone,
Che le ghe dasse a so piaser solazzo,
E che la Mona le ghe dasse a sguazzo,
8Ma adesso no le xe cussì cogione.
Ghè rason, se le vuol esser pagae
Da chi no gà bon Cazzo, e nol ghe tira,
11E le fà sgangolir a gambe alzae;
Oppur, se le vuol esser sfregolae
Da un Cazzo duro, e forte, che l'impira,
14E ghe daga de cuor diese chiavae.
