IN PUBLICO NO SE COMMETTE DELITTI.
SONETTO
Una volta se dise no le andava
La notte in piazza a spassizzar le Dame,
Ma, che mali fale mai povere grame?
4Infin; che se camina, no se chiava.
Colle puttane no le se misciava,
Ch'una volta la giera cosa infame;
Ma una volta s'ordiva anca più trame,
8E una volta più forte se sborava.
Quando publico xe 'l divertimento,
No ghè mai certo mal, a mi credelo,
11De quel vardeve, che se fà de drento.
El più, che nascer possa in sto bordelo,
E no xe cussì facile el momento,
14Qualche menada se puol dar d'Oselo.
