SULLO STESSO ARGOMENTO.
SONETTO
Perchè tanto se critica, e se crìa
Sul costume d'adesso, e la maniera
Del viver de ste femene la sera?
4Cosa fale de mal saver vorrìa.
Perchè coi Cavalieri le và vìa?
Co chi hale d'andar, colla massera?
Quando i Marij nè in barca, nè per tera
8Co elle vuol andar in compagnìa.
Voleu le staga sole in t'un canton?
Eh lassè, che le zira un poco attorno,
11Che un pò de sboro anca per elle è bon.
Pur troppo le stà in Casa tutto 'l zorno;
Ma zà sappiè, ve 'l digo in conclusion,
14Del vostro dir no le ghe pensa un Corno.
