A UN AMIGO IN TRIBUNAL.
SONETTO
Adesso, che vù sè in quel Tribunal,
Dove, che me podè far processar,
No son cussì cogion, che più parlar
4Voggia con vù de Mona, e de Cotal;
No vorrìa, che co sè in Pontifical,
Me facessi alla Bussola chiamar,
Che me farìa sta buzara pensar
8Più assae d'una scomunica Papal.
Nò, nò, no voi travagi, da quà avanti
Ve dirò, che mi digo la corona,
11E che fazzo la vita, che fà i Santi;
Che se pò qualche razza buzarona
Me dasse 'na querela là davanti,
14Sappiè, che mi no vago altro, ch'in Mona.
