A UN ASSISTENTE DEL SANT'OFFIZIO.
SONETTO
Considerè col vostro alto giudizio
Che buzara gà fatto solennissima
La Republica nostra Serenissima
4A tiorse in casa soa el Sant'Offizio.
No la gà visto ben el pregiudizio,
Che porta quell'union reverendissima,
De far, che tanta zente innocentissima
8La vaga in un momento in precipizio;
Pur la vedeva tanti Rè Cristiani,
Che mai no gà volesto sti Drettoni,
11E sora tutti i Rè Napolitani;
Perchè questi hà capìo, che sti furboni
Al stato suol causar dei gran malani,
Massime se, chi assiste, xe cogioni;
15Ma vù zà sè trà i boni,
Che sà a chi pretendesse far el bulo
Mostrarghe el muso, e pò voltarghe 'l Culo.
