CONSEGGI AVUTI NELLA PENDENZA MEDESIMA.
SONETTO
Ancora, amici, la gran lite pende,
Nè mai gò bù della vittoria 'l frutto,
La me catta dei radeghi per tutto,
4E a parlarghe d'accordi no la intende.
Mo, che gran buzarona! la pretende,
Che mi abbia da restar a muso sutto,
E dopo, che per ella son destrutto,
8Fin un provisional la me contende.
Co un prottesto secreto la vien vìa,
Che in gnessun tempo, e liogo no sperasse
11Con ella da sborar in vita mia.
All'Avocato, che 'l me consegiasse
Gò domandà, e cosa lu 'l farìa,
14E lù m'hà consegià, che mel menasse.
