COL VANGELO SE FOTTE LE CHIETTINE.
SONETTO
Sentì mo, che bell'arte, e che dottrina,
Ch'hò doperà per far un colpo belo,
Me son servìo d'un testo del Vangelo
4Per farlo tior in Mona a 'na Chietina.
Me xe vegnù sta ispirazion divina
De dirghe, ch'i farà 'na festa in Cielo,
Se la tiorrà in ancuò da mì l'Oselo,
8E la se pentirà pò dimattina.
Co l'hà sentìo cussì, la me l'hà dada,
E pò l'è corsa zoso della scalla,
11E a confessarse subito l'è andada;
Da quella volta in quà mai no la falla
De convertirse dopo una chiavada
14Per far, ch'in Ciel continnuamente i balla.
