TUTTO FÀ DA PIANZER, FUORCHÈ L'ANDAR IN MONA.
SONETTO
Tutto me fà da pianzer a sto Mondo,
Me fà da pianzer quelli, che và in Mar
Che per voler dell'oro accumular
4I rischia dell'Oceano andar nel fondo.
Me fà da pianzer quel cervello tondo,
Che se và in t'un Convento a retirar;
Pianzo per quei, che trema de peccar
8Per paura d'andar zò nel profondo.
Pianzo a veder quei tanti Magistrati,
E quei, che porta in testa la Corona,
11Ch'i fà 'na vita da deventar mati.
Pianzo in summa de qualsesia persona,
Dei Prencipi, Ministri, e Letterati,
14E rido solo, quando son in Mona.
