LODA L'OSTARIA.
SONETTO
Osservè l'Ostarìa, che bella casa,
Altro, che la proffessa de Gesù,
Omeni no se vede andar là sù
4De quelli, che la Mona ghe despiasa.
Là quella zente la xe tutta invasa
Dal spirito divin, che i gà bevù,
E co in estasi i xe, che no i puol più
8Alle so Dive insina i ghe la basa.
Per quella porta và le Donne sconte,
E mentre, ch'una vien, l'altra và fuora,
11Chi xe col so Marchese, e chi col Conte.
Dal tramontar del Sol sin all'Aurora,
E dall'Aurora insin, che 'l Sol và a monte
14Se caga, magna, beve, pissa, e sbora.
