Mi stimo assae sto Duca per le tante
Gran belle qualità, che lù possiede,
De generosità lù no ghe cede
4A qual se sìa Prencipe, e Regnante.
Della musica lù xe vero amante,
E in questa da maestro lù pressiede,
E in te la so grandezza ben se vede
8La cortesìa brillar sempre costante.
Lù benefica el bello, come 'l brutto,
E no se ghe presenta una persona,
11Che questa vegna vìa a muso sutto.
Veramente el xe degno de corona,
Ma quello, che mi stimo sora tutto;
14Xe questo, che ghe piase assae la Mona.
