SULLO STESSO ARGOMENTO.
SONETTO
Sta Baffa la xe stada 'na gran Dona
Per quel, che dise l'Otomana Istoria,
Ma per timor de perder la so gloria
4La xe stada 'na brutta buzarona.
Dubitando, ch'un'altra fusse bona
Sul Gran Signor de riportar vittoria,
E che no la podesse aver la gloria
8De dir, ch'anca con ella el xe andà in Mona,
Con el mezzo de certe vecchie Arpìe
A oggetto, che con altre no l'andasse,
11Sta sorte l'hà studià de strigarìe,
Che per quanto el Sultan se lo menasse,
Co 'l volesse chiavar dell'altre fìe,
14In gnessuna maniera el ghe tirasse,
Ma solo duro 'l stasse,
Co ghe vegnisse suso la fiumana
17De chiavar el Potton della Sultana.
