SULLO STESSO ARGOMENTO.
SONETTO
Chi leze della gran casa Ottomana
I fatti scritti, ma da man sincera,
Che una Baffa sia stada Gran Sultana,
4Troverà quell'istoria, che xe vera.
La l'hà chiappada in Mar una Tartana
De Zente la più indomita, e più fiera,
Che se possa trovar sora la tera,
8Zente, che a cazza và de carne umana.
La gà fatto in serragio gran fortuna,
Perchè vìa d'ella la Real persona
11Del Gran Signor no gà fottù gnessuna.
Mi, che parente son per vìa de Dona,
No ve stupì, se porta ella la Luna,
14Che per insegna mi porto la Mona.
