VORRIA FARSE SEPELLIR IN MONA.
SONETTO
Se stasse in mio poder, se mi a toccasse
Scieglier la sepoltura, co son morto,
Questo quà me sarìa un gran conforto,
4No vorrìa sotto terra i me cazzasse.
No vorrìa, ch'in t'un campo i me buttasse,
In t'una valle, in t'un bosco, o in t'un orto,
Nè in t'un fiume, nè in Mar, nè gnanca in porto,
8Nè drento d'una Cassa i me serrasse;
A Lìo no vorrìa andar, come i Ebrei,
Nè sora 'na Colina, nè s'un Monte,
11Nè gnanca sora quello d'Elicona;
Nè sora un campaniel, nè sora un ponte,
Statue mi no vorrìa, nè Mausolei,
14Ma me vorrìa far sepellir in Mona.
