VORRIA MORIR IN MONA.
SONETTO
Zà, che s'hà da morir, mi no vorrìa
Morir, co son in barca, o sulla strada,
Mi no vorrìa morir sù 'na piantada,
4Mi no vorrìa morir all'Osterìa.
Morir mi no vorrìa alla Malvasia,
Quando dago 'na brava tacconada,
Gnanca co dago a brazzi 'na cagada,
8Gnanca co dormo in letto a Casa mia.
Mi no vorrìa morir, co son al fuogo,
Mi no vorrìa morir sul Canapè,
11Mi no vorrìa morir sulla poltrona.
Mi no vorrìa morir in gnessun liogo;
Ma quando hò da morir; Indovinè?
14Mi vorrave morir, co son in Mona.
