VORRIA STAR IN MONA SIN'ALLA FIN DEL MONDO.
SONETTO
Per el più niove mesi gà da star
L'Omo in preson in panza della Dona
Prima de spuntar fuora della Mona,
4E vegnir a sto Mondo a respirar.
Dopo mille malanni 'l gà d'andar
In t'una sepoltura sfondradona,
E della so miseria per corona
8In quella eternamente 'l gà da star.
Vorrìa, ch'alla roversa tutto andasse,
Che, quando se xe morti, in sepoltura
11Per niove mesi solo se restasse;
E all'incontro, per leze de Natura
In Mona della Donna se ghe stasse
14In sin a tanto, che sto Mondo dura.
