DIFICOLTÀ DE CANGIAR VITA.
SONETTO
Me vien voggia ogni tanto de menar
Una vita più quieta, e più devota,
Ma co mi penso, che ghe xe la Pota,
4Sta voggia me và a farse buzarar.
M'anderave ogni tanto a confessar,
Perchè anca vedo della zente dota,
Ma come, che no i vuol, che più se fota,
8Anca sto gusto in Culo i me fà andar.
In Chiesa mi starìa sera, e mattina,
Perchè sò, ch'anca quello xe un bel spasso,
11Se i me lassasse andar in Brombolina;
In summa lasserìa qualunque chiasso,
E ancora mi farìa la disciplina,
14Ma sto lassar la Mona el xe un gran passo!
