Oh! Che strana mutazion
Dalla sera alla mattina,
Par, che sia vegnù un Sion,
16Ch'hà mandà tutto in rovina.
Xe fenìe tutte le Feste,
No ghe più quell'allegrìa,
Par, che sia vegnù la peste,
20Ch'abbia tutto portà via;
No ghè più soni, nè canti;
I Teatri xe serrai,
Ballerine, e Comedianti
24Xe marmotte deventai.
Par, che un Mago sia vegnù,
Ch'abbia tutto rebaltà,
E voltà col Culo in sù
28Tutta quanta la Città.
