SULLO STESSO ARGOMENTO.
SONETTO
Per cosa fali mai tanti Poeti
Cesarotti, Durante, e 'l gran Frugoni,
Florio, Gozzi, e tant'altri, oltre'l Goldoni,
4Canzon, Ode, Capitoli, e Soneti?
Per cosa mai ste feste, e sti balleti
Sti mantò, pontà sù, sti perucconi,
E questi da ricchissimi Epuloni
8Sontuosi, e superbissimi bancheti?
Perchè d'invido tanti bollettini,
Perchè de barche niove sta Corona,
11Ste livree, cappe nere, e Ballottini?
In summa perchè ancuò sta gran chiccona,
Perchè sù d'un bacil tanti Zecchini?
14Vel dirò mi; Per romper una Mona.
