CONTRO LA SFORTUNA DEI POETI.
SONETTO
Poeti, ve lagnè continnuamente,
Che per quanto, che fè dei bei Soneti;
Tanto e tanto sè sempre povereti,
4Che per quelli gnessun mai ve dà gnente;
Gavè rason, a dirla; veramente
L'è un mistier buzarà quel dei Poeti,
No se magna che applausi; e do paneti
8Per mille versi no ve dà la Zente.
Ma pezo ancora xe la sorte mia,
Che, se me metto a far qualche Sonetto
11Per divertir la nobil compagnìa;
Nò solo i me dà gnente, povereto,
Ma quel, che stimo, che desoravìa
14I me và beccolando el mio sacchetto.
