Pagina:Raccolta universale delle opere di Giorgio Baffo 2.djvu/252

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


AL MEDESIMO.


SONETTO


Chi credeu, che sia 'l Papa? El xe un buffon,
    Un matto, che gà in testa tre corone,
    Uno, che maledisse le persone,
    4Co no le crede in te la so opinion,

Un, che porta do chiave a picolon,
    E và digando, che le so chiavone
    Del santo Paradiso le xe bone
    8D'averzer, e serrar el gran Porton.

Ma, se la stasse quà, pacienza ancora,
    El mal xe, che 'l gà Stati, el gà Sbiragia,
    11Quel, che San Piero mai gà cattà fuora;

E pò 'l gà in Corte tanta gran canagia,
    Che crede nome in te la magnaora,
    14E lassa, che i cogioni se travagia.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_2.djvu/252&oldid=60545"