AL MEDESIMO.
SONETTO
Caro Papa, no fè tanto schiamazzo,
Perchè no xe più 'l tempo dei cogioni,
I Omeni d'ancuo xe buzaroni,
4No i ghe ne dà delle censure un Cazzo.
Se co quelle vorrè far el bravazzo
I ve tiorrà le sagre, e anca i perdoni,
I dirà tutti i vostri petoloni,
8E in Roma resterè pò un Visdecazzo.
I vostri errata corrige originalePreti giera zente tanto bona
Allora, quando tutto 'l so trastulo
11El consisteva in te l'andar in Mona.
In vece, che coi Prencipi fè 'l bulo,
Doveressi veggiar, che la corona
14Disesse 'l Clero, e nò l'andasse in Culo.
