AL MEDESIMO.
SONETTO
Che ordeni mai deu Papa Clemente
De far tagiar le borse col Cotal
Alle Statue, che xe sul Quirinal?
4Cosa voleu, che mai diga la zente?
Dei altri, ch'hà menà vita innocente
Hà messo 'l Culo in sul Trono Papal,
Eppur a questo, che vù fè un gran mal,
8No i gà pensà 'na buzarada, gnente.
Statue se vederà, che tante spese
Hà costà alle fameggie principali,
11Rovinae, come chi gà 'l mal francese!
Voleu un remedio per varir i mali,
Che causa la lussuria in sto Paese?
14Feghe tagiar el Cazzo ai Gardenali.
