AD UNA MUNEGA.
SONETTO
Una cosa vù fè contro Natura,
Mia cara venerabile donzella,
A star serrada in una stretta Cella,
4Eppur anzi la xe cosa assae dura.
Altro pensier, ed altra maggior cura
Sarìa metter al Mondo una puttella,
Che procurando la facesse anch'ella
8Razza, che stasse fin, che 'l Mondo dura.
Poter de Bacco! Anzi poter de Dìo!
Buzzolai dovè far stando serrae,
11E ogn'altro spasso, ogn'altro gusto indrìo.
Sbreghè la porta, rompè le ferriae,
Fuora saltè, tegnive al pensier mio,
14E feve dar delle bone chiavae.
