Pagina:Raccolta universale delle opere di Giorgio Baffo 2.djvu/226

Da Wikisource
Sta pagina la xe stà trascrita, ma la gà ancora da vegner rileta.
L'AUTORE VIEN PREGÀ D'UN SONETTO.


SONETTO


Da 'na Madre Badessa al so Convento
    Vegno chiamà zà zorni con istanza,
    Son andà per no usarghe un'increanza,
    4Che mai son stà da Muneghe un momento.

Sior poeta, alla prima dir me sento,
    Co vestimo savè la nostra usanza;
    Per una, che vien Munega in sostanza
    8Feme un sonetto de bon sentimento.

Basta, hò risposto, Madre, gò capìo,
    La so tanta premura averò a petto,
    11De farla comparir xe 'l genio mio.

Ghe lo farò in Venezian dialetto,
    Ma, se onor la vuol farse, poffardìo!
    14Un Cazzo la ghe dona, e nò un Sonetto.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_2.djvu/226&oldid=60516"