UNA, CHE SE FÀ MUNEGA.
SONETTO
Mondo cogion, canagia buzarona,
Se ti me vuol gabbar, ti è un visdecazzo,
Mi no te stimo un corno, e vìa te scazzo,
4Che dall'insidie voi salvar la Mona.
Più le to furberìe no me cogiona,
Perchè in Potta no voi, che m'entra un Cazzo,
Voi piuttosto co un deo darme solazzo
8Come, che m'hà insegnà mia siora Nona.
Farse chiavar no l'è mestier da putta,
El farse buzarar xe da bardassa,
11E 'l maridarse in precipizio butta.
Buzarìe, e fotterìe zà presto passa,
E vien la Donna fiappa, flossa, e brutta;
14Mondo cogion, voi durar bella, e grassa.
