L'AUTORE PRINCIPIA A FOTTERE.
SONETTO
Mona, stame lontan per carità,
Anca, se ti xe larga, come un forno,
Perchè mi gò tanta lussuria attorno;
4Che 'l Cazzo no puol star più sequestrà.
Stame lontan, che prima xe peccà,
Benchè de questo no ghe dago un corno,
E pò, perchè, se mai chiavar te torno,
8Vago a un gran rischio de creparte là;
Che 'l mio Mal xe ficcà drento ai polmoni,
E son sicuro, che, se fotto, moro,
11Onde hò da star all'erta coi cogioni.
Mona; stame lontan, che tiro el toro,
Mona... Ah! tel metto, Ah! slarga i mustacchioni!
14Mona... Saltar me fai, oh Dio! che sboro.
