RISPOSTA.
SONETTO
De chiavarve saveu, perchè me tegno?
E se ve burlo el Ciel me lo perdona,
Perchè un regalo d'una buzarona
4M'ha fatto metter el cervello a segno.
Xe vero, che de farlo so' in impegno
Ma ancuò me fà pentir sta lezion bona,
Però, se no ve metto el Cazzo in Mona
8A torto me fè reo d'un atto indegno.
Me disè, el Cazzo in man, che gusto xelo?
E mi rispondo a vù, cara mia Nina,
11Che no fazzo fadiga a dir, menelo;
E tanto, e tanto el dà 'na sboradina,
Senza voler rischiar sto fià d'Oselo
14Col darve una solenne chiavadina.
Ve servirave infina,
Se credesse, che dell'impertinenza
17No me toccasse far la penitenza.
