RISPOSTA DELLA MONA.
SONETTO
Dime, Cazzo baron, in sta maniera
Ti me strapazzi, e ti me fà sto torto?
Oh pustu mille volte cascar morto,
4Oppur esser magnà da qualche fiera.
Và là per sempre confinà in gallera,
Che prego 'l Ciel no te dia mai conforto,
Mostro nefando, e scellerato aborto
8Dell'anema più negra, che sìa in Tera.
Ti disi, ch'impestada son, e pregna
D'altri mali? Ma dime un poco adesso,
11Chi è colpa del mio mal, anema indegna?
El chiavar; che ti fa con tanto eccesso,
Xe la sola rason, perchè me vegna
14Addosso sto ridicolo processo.
