STUPISSE DE CHI NO SBORA
SONETTO
De quei no me stupisso, che fà bezzi,
Che struscia, e ranca per levar tesori,
Nè de quei, che s'affanna per onori,
4Nè de chi per amor fà dei mattezzi;
Gnanca de certi Omeni scavezzi,
Che magna, e beve, come traditori,
Nè de sti desperai de ziogadori,
8Che buttarìa in un dì la casa in pezzi.
Saveu de quai, che me stupisso ognora,
E che per elli sento compassion,
11De quei, che in gnessun tempo mai no sbora;
Perchè a questi, co fazzo refflession,
Mi vedo, ch'altro premio in so bon'ora
14No i gà, che mantegnir la tentazion.
