PATTI DELL'AUTORE ALLA SO DONNA
SONETTO
Sentì cosa vorrìa, cara parona,
Co volè, che ve staga sempre drìo;
Che fessi prima tutto a modo mìo,
4E ve scordessi d'esser zentildona,
Che con vù no vegnisse altra persona,
Che m'avesse da romper el da drìo,
L'ozio, e la gola fusse 'l vostro Dìo,
8Nè me vegnissi via colla corona;
Che ve podesse dir liberamente
Quante buzare mai ve vien in testa;
11Nè ve n'avessi mai per mal de gnente,
Che quando pò, che 'l Cazzo me molesta,
Ve podesse chiavar subitamente,
14Se volè'l mio servir la leze è questa
