EL BEL DELL'OMO
SONETTO
Che 'l Mondo pur se sfoga in adorar
Le mercenarie, e l'ambiziose Done,
Quelle sole mi chiamo oneste, e bone,
4Che per genio, e buon cuor se fà chiavar.
Se trà do muri le se và a serrar,
Le vardo, come inutili, e cogione;
E affatto pò me par strabuzarone
8L'altre, che gusto all'Omo no vuol dar;
Chè la Natura ascolto, e nò Platon,
La Mona gratis s'hà da dar, e pronta
11Per trastullo, per sfogo, e più in passion;
Solo darla bisogna netta, e sconta,
E tanto al galantomo, che al baron,
14Che un ben la xe dell'Anemal, che monta.
