LODA 'L CUL DE DONNA CATE
SONETTO
La biaca è un negrofumo in paragon
Del vostro bianco Cul, Madonna Cate,
Le vostre candidissime culate
4Fà, che 'l zesso più fin para carbon.
No occorre miga, che se tegna in bon,
Dove, che xe sto Cul, l'avorio, e'l late
L'alabastro più fin, le nevi intate
8Cede tutti a sto Cul la so rason.
Le colombe xe negre, i cigni mori,
Se el Zensnmin, e 'l Ziglio se trovasse
11Dov'è sto Cul, no i parerìa più fiori.
Se i gavesse sto Cul tanti Bardasse
I poderava guadagnar tesori;
14Ma più bello el sarìa, se nol cagasse.
