I DIVERTIMENTI DELL'AUTOR A PADOA
SONETTO
In queste fortunate alme contrade,
Che a Antenore Trojan hà piasso tanto,
Godo la Fiera, e l'Opera del Santo,
4E chiavo delle porche buzarade.
Le fotterave in Chiesa, e per le strade,
Tanto, e che per custìe son morto, e spanto;
Quà ghè puttane, che ghe tiol el vanto
8A quante, che da mi xe stà chiavade.
Mi a casa tornarò per dirla in fati
Tutto magagne, e tutto pien de peste,
11Col Cazzo marzo, e coi cogion desfati;
Ma ghe sarà de pezo oltre de queste,
Perchè son alloggià da certi Frati,
14Onde anca al Cul gaverò le creste.
