L'AUTORE SE MENA L'OSELLO
SONETTO
Ogni tanto riffletto alle ricchezze,
Ai comodi, e delicie dei Potenti,
Alle so Reggie, ai so divertimenti,
4Al so fasto, alla pompa, alle grandezze.
Riffletto a quelle tante morbidezze,
Che i gode, e ai so grandiosi trattamenti,
Ai so posti, ai so onori, ai so proventi,
8Per i quali i fà tutti splendidezze;
Co hò ben pensà a ste cose, e che gò visto,
Che mi fazzo una vita assae stentada,
11E che per goder mi no ghe n'hò un Cristo
Perchè la passion resti calmada,
Nè me para el mio stato tanto tristo.
14Al Cazzo mi me dago una menada.
