LA SPIA
SONETTO
Amor, co delle volte el se tiol ziogo
De vardar dei morosi i strani casi,
Colla mia Betta un dì vicin al fuogo
4El s'hà messo a spiar i dolci basi.
Mi stendevo una man giusto in quel liogo,
Che xe più sconto, e ghe diseva, tasi,
Tasi, Ben mio, che tanto ardir me tiogo,
8Perchè te voggio ben, e ti me piasi;
E pò senz'altro me la cazzo sorro,
La dise, cosa fastu? E mi ghe digo,
11No ti senti cogiona, che te fotto.
Con quattro botte in pressa me destrigo,
E Amor intanto, che ridea del motto,
14Sento, che 'l dise, estu stà in Mona amigo?
