FORZA DELLA MONA
SONETTO
Mona, cosa mai xestu, che ti hà tanta
Forza, e virtù de far tirar i Cazzi!
I più savj per ti deventa pazzi,
4E 'l coraggioso in ti se perde, e incanta.
Quei, che d'esser gran teste se milanta,
Per ti deventa tanti visdecazzi,
Ti ti fà i vecchj deventar ragazzi,
8E ti fà far peccai alla zente santa;
Ti sola ti puol far, che sti avaroni
Deventa generosi in t'un momento,
11E che volta bandiera i buzaroni,
Per ti el più desperà resta contento;
Per ti se perde onor, robba, e cogioni,
14Mona, mo cosa mai gastu là drento?
