A CHI HÀ CAZZO, E BEZZI NO MANCA MONA
SONETTO
Senti, cogiona, se ti me desprezzi,
Per Dìo, no pianzo, nè me tiogo pena,
Vaga co la sà andar, zà ho rotto in pezzi
4Dell'amante mio cuor la rìa caena.
Usa co chi ti vuol lusinghe, e vezzi,
Che zà no ti me tiol disnare, e cena
Co manco suggizion, e manco bezzi
8Se catta della Mona a panza piena.
A chi hà testa no manca mai capello,
Cussì no manca Potta bella, e bona
11A chi gà bona borsa, e bon Osello.
Hò visto più de qualche buzarona,
Che per farse chiavar da questo, e quello
14La s'hà impenìo de peste, e Culo, e Mona.
