LA DONNA RIMPROVERA L'AUTORE
SONETTO
Se de pissar la voggia v'è scampà
Podevi pur andar in t'un canton,
E far quel, che volevi là in scondon,
4Senza mostrar quel, che m'avè mostrà.
Se in colera con vù mi son andà
Ve par forse, che no abbia bù rason?
Col piavolo a pissar sotto el balcon,
8Far in presenza mia ste indegnità?
Se un cappon cotto, e grasso andè a portar
A un poveromo, e al naso ghe 'l mettè,
11No ghe feù voggia proprio de magnar?
Questo è l'affronto grando, che me fè,
Me mostrè el vostro Cazzo col pissar,
14E me fè tanta gola, e pò el scondè.
