Dando un pugno a sto tal tanto potente,
Che ga fato saltar de boca un dente;
E co sto segno alora
75No 'l diavolo, ma el dente è vegnù fora.
El creder a sti ossessi veramente
No xe degno del secolo corente,
Ma un'ignoranza crassa
Ancora resta ne la zente bassa.
Un tutor gavea le intrae
Del pupilo consumae.
In giudizio a render conto
L'è chiamà circa sto ponto.
5El pupilo, che à cità
Sto tutor, cussì à parlà:
Mio sior pare m'à lassada
Una bela e grossa intrada;
El tutor, ch'è qua presente,
10M'à ridoto senza gnente,
Fazzo istanza aciò me sia
La mia roba risarcia.
El sior giudice (parlando
Col tutor) dise: comando
15Presentar vu al mio ministro
Ogni libro, ogni registro
De la spesa, e de l'intrada;
Che ogni cossa sia incontrada
Per poder co fondamento
20Dar giudizio in sto argomento.
Tuto inteso dal tutor,
Trando a parte ogni rossor,
El s'à messo in zenochion
Dimandando compassion
25Con el dirghe: ve protesto
Che altro libro no ò che questo
Che ve mostro: ecolo quà,
E la boca el ga mostrà,
Sogiungendo, che l'intrada
30Per de là gera passada;
Po, voltandoghe 'l dadrio,
Per de qua tuto è sortio,
E se vede dal bilanzo,
Che no gh'è gnente d'avanzo.
35Mal apena che l'avesse
Elo infati le braghesse
Per el capo soo più bon;
Tanto el gera crapulon:
Quando tuto è consumà,
40Adio conti: xe saldà.
A Mestre un benestante
Un belissimo porco avea arlevà,
Che gera de grandezza esorbitante.
Un certo so vicin, che avea osservà
5Sto famoso animal,
Ga dito un dì a sto tal:
Compare, avè un porcelo
Che xe una maravegia, grasso e belo.
Ma l'altro ga risposto: amigo mio,
10Cossa serve che belo e grasso el sia
Se quando lo avarò distribuio,
La manco parte la sarà la mia?
A mie sorele muneghe
Ghe ne vol una parte, un'altra al medico,
15Un'altra a sior piovan,
Un'altra a mio zerman,
Un'altra a mia cugnada;
E po roba salada
Da dar a questo a quelo.
20Cussichè posso dir: adio porcelo.
Se savesse trovar qualche pretesto
Per scansarme da tuti; oh ve protesto
Che molto volentiera lo faria,
E tuto quanto mi lo magnaria.
25L'amigo ga sogiunto: donca mi
V'insegnarò el secreto; fè cussì;
Via da de qua mandelo,
E a chi domanda: dov'è andà el porcelo?
Diseghe: el me xe stà
30L'altra note robà,
E cussì sarò esente
D'averghe da dar gnente.
Bravo! sior sì, pulito,
(Quelo dal porco à dito)
