Pagina:Raccolta di poesie in dialetto veneziano 1845.djvu/412

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


POESIE

DI

GIAMBATISTA BADA.



EL RITRATO DE L'AUTOR.


Nè picolo, nè grando, ma scarmeto,
     Fronte averto, ochi mori e barba folta,
     Bela coa de cavei, siben incolta,
     4Longa oto quarte, e de color bruneto;

Che in venezian sa far qualche soneto,
     Ma de quei da dozzena e da racolta;
     Che à composto el Baracola una volta,
     8E tre o quatro poemi in sto dialeto;

D'umor alegro, amante del chiassar,
     Colerico a le volte, ma co gnente
     11Facile da poderse mo voltar;

Pien de sincerità, che stoicamente
     De viver po ghe piase e de tratar,
     14Sora tute le cosse indiferente.
                    Del soneto presente
     Questo, siori, è l'autor. Deghe un'ochiada,
     17Che l'è deposta Zambatista Bada.


L'ADIO.


Za che, per bontà vostra, son costreto
     De doverve lassar, anima mia,
     Permeteme un adio co sto soneto
     4Che l' ultimo vorè forsi che 'l sia.

Sapiè peraltro che tranquilo e lieto,
     Cara, dal vostro fianco vago via;
     Che se ò da dir el vero mi in efeto
     8Gera stufo de starve in compagnia.

Nè ve aspetessi mai, che con impianti
     Ve vegnisse a zurar d'aver gran pena
     11Nel doverve lassar, come fa tanti;

Perche amor m'à ligà d'una caena
     De quele che in tragedia i comedianti
     14Adopara de lata in su la scena.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/412&oldid=61608"