Pagina:Raccolta di poesie in dialetto veneziano 1845.djvu/324

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Trenta baseti
     Per do agneleti
     Ga dà al pastor
     20Ponta in tel cuor.
Nel doman l'altro
     Lu fato scaltro,
     Ela inzucada,
     E inamorada,
     25I trenta agnei
     Dai basi bei
     La ga dà indrio
     Po per idio!
     Per un basin
     30Che ga dà Elpin.
El zorno dopo,
     Questo mo è tropo,
     Ela i do agnei
     E 'l can co quei
     35Tuto la dona,
     Za se doveva,
     Per un baseto
     Che a un bel museto
     L'ingrato à dà,
     40Sora marcà.
Done un gran caso
     Xe questo qua.


EL GRANZO E LA SEPA.


Ghe gera sucesso a un granzo de trovar
     Su la spiagia del mar
     Una sepa butada
     Da l'onda che la spiagia avea lassada,
     5E metendo una zata sale drezze
     Cussì da granzo senza far carezze,
     Sepa, el gà dito, in lengua submarina:
     Ti gà le zate che le par puina:
     E la sepa, sentindo una durezza,
     10La xe fata de fero sta to drezza.
     El granzo inzatava,
     La sepa indrezzava,
     Ognuno pensava
     Col so natural.
     15El granzo granzisa,

     La sepa sepiza,
     El frate fratiza,
     La dona doniza,
     El zentilomo zentilomeniza,
     20Lodoli sentenzioso à dito un dì,
     No me ricordo più dove, nè a chi.


EL PROFITO DE L'AMOR.


Dopo tanto navegar,
     Dopo tanto travagiar,
     In quel mar,
     Che va tanti a naufragar,
     5Grazie al cielo ò tirà in tera
     Grasso in ton de bona ciera.
     No go bele, no go brute,
     No go done, no go pute,
     No go amanti,
          10Nè galanti,
          Nè fiozzete,
          O pupilete,
          Nè siorete,
          O comarete.
     15Dei gran trafeghi che ò fato
     No me resta gnente afato,
     So ridoto povareto
     Da comprarme el mio fasseto
     Per scaldarme,
     20E consolarme
     Sul giudizio che ò salvà,
     Su la vita, che ò campà.
     Eco quelo, amici cari,
     Che in sti mari,
     25Quando pur la vada ben,
     Eco quelo che se otien.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/324&oldid=59734"